ጀነራል ዊንጌት ፖሊ ቴክኒክ ኮሌጅ በምስራቅ አፍሪካ የልህቀት ማዕከልነት እስከ 4ኛ ትውልድ የቴክኖሎጂ ሽግግር ርዕይ

ጀነራል ዊንጌት ፖሊ ቴክኒክ ኮሌጅ በምስራቅ አፍሪካ የልህቀት ማዕከልነት እስከ 4ኛ ትውልድ የቴክኖሎጂ ሽግግር ርዕይ

18/07/2018 ዓ.ም አዲስ አበባ 

የፌዴራል ሥራና ክህሎት ሚኒስቴር የነደፈው የቴክኒክና ሙያ ስትራቴጂ በአዲስ አበባ ከተማ አስዳደር ሥራና ክህሎት ቢሮ በቴክኒክና ሙያ ኮሌጆች አዳዲስ ድሎችን እያስመዘገበ ይገኛል። የዚህ ስኬት ግንባር ቀደም ማሳያ የሆነው የጀነራል ዊንጌት ፖሊ ቴክኒክ ኮሌጅ፣ ከመደበኛ ስልጠና ወጥቶ ራሱን የቻለ "ኢንተርፕርነር ተቋም" በመሆንና የኢንዱስትሪውን 4ኛው ትውልድ (4.0) ቴክኖሎጂ በመታጠቅ በምስራቅ አፍሪካ የልህቀት ማዕከልነቱን እያረጋገጠ ነው። 

የኮሌጁ የተቋም ልማትና አስተዳደር ጉዳዮች ምክትል ዲን አቶ ሰባሁዲን ሁሴን፣ ተቋሙ "ከ0 ወደ 1" ያደረገውን ስልታዊ ሽግግር እንደሚከተለው ያብራራሉ።

1. ስልጠና ከዳቦ በላይ (Training Beyond Bread)

ስትራቴጂው "ስልጠና ከዳቦ በላይ" የሚለውን እሳቤ ሲያነሳ፣ ሰልጣኞችና አሰልጣኞች የዕለት ጉርስን ከመፈለግ ባለፈ ለሀገር ኢኮኖሚ የጀርባ አጥንት እንዲሆኑ ታስቦ ነው። አቶ ሰባሁዲን እንደሚሉት፣ ኮሌጁ ይህንን እሳቤ በተግባር ለመተርጎም አሰልጣኞችን ወደ ሥራ ፈጣሪነት (Entrepreneurship) አሸጋግሯል።

"በእኛ ኮሌጅ 'Idol' (የማይሰራ) ሰው የለም" የሚሉት አቶ ሰባሁዲን፣ መደበኛ ስልጠና በሌለበት ወቅት እንኳ አሰልጣኞች በውጭ ፕሮጀክቶች ላይ እንዲሳተፉ ይደረጋል። ለምሳሌ የኮንስትራክሽን ዲፓርትመንት ከከተማ አስተዳደሩ ጋር በመቀናጀት የተለያዩ ቢሮዎችን በማደስ ብቻ 54 ሚሊዮን ብር ገቢ ማስገኘት ችሏል። ይህም አሰልጣኞች በተግባር እንዲበቁና በመቶ ሺዎች የሚቆጠር ተጨማሪ ገቢ እንዲያገኙ በር ከፍቷል።

2. የ"10x" የቴክኖሎጂ የበላይነት (The 4th Generation Tech) ፒተር ቲል በ "Zero to One" መጽሐፉ አንድ ተቋም ስኬታማ የሚሆነው ከሌሎች በ10 እጥፍ (10x) የተሻለ ቴክኖሎጂ ሲኖረው ነው ይላል። ጀነራል ዊንጌት ይህንን በኢነርጂ (Energy) ዘርፍ አረጋግጧል። 

ኮሌጁ ከጀርመን "ሳይመንስ" ድርጅት ጋር በመተባበር፣ በአሁኑ ወቅት በኢንዱስትሪው ውስጥ እንኳን የማይገኙ የ 4.0 (4th Generation) ቴክኖሎጂ ማሽኖችን አስገብቷል።

"ኢንዱስትሪዎች ያልታጠቁትን ትጥቅ ዊንጌት ታጥቋል" የሚሉት ምክትል ዲኑ፣ በዚህም ምክንያት ትላልቅ ኢንዱስትሪዎች ራሳቸው ወደ ኮሌጁ መጥተው ክፍያ በመፈጸም ስልጠና እየወሰዱ መሆኑን ገልጸዋል። ይህ ተቋሙ የቴክኖሎጂ ሽግግር ምንጭ (Technology Hub) መሆኑን የሚያሳይ "ስውር እውነት" (Secret) ነው።

3. የሰብዓዊ ካፒታል ልማት (Human Capital as 60%)

ለተቋም እድገት 60 በመቶውን ድርሻ የሚይዘው የሰው ኃይል መሆኑን ኮሌጁ ይረዳል። በዚህም መሠረት ከ327 በላይ አሰልጣኞችን በዓለም አቀፍ ደረጃ (Standard) ለማብቃት ሰፊ ሥራ ተሰርቷል።

ውጤቱ፦ መመዘን ከነበረባቸው 280 አሰልጣኞች ውስጥ 220 የሚሆኑት (80%) ከአለም አቀፍ ደረጃ 3 እስከ 5 ባለው አዲሱ የሙያ ምዘና ብቁ መሆናቸው ተረጋግጧል። ይህ ጥራት ያለው ስልጠና ለመስጠት ዋነኛው ቅድመ-ሁኔታ ነው።

4. ዓለም አቀፋዊ እውቅና እና ISO ስታንዳርድ

ጀነራል ዊንጌት ራሱን ከሌሎች 15 ኮሌጆች ጋር ብቻ ሳይሆን ከምስራቅ አፍሪካ ተቋማት ጋር ነው የሚያወዳድረው። ተቋሙ በምስራቅ አፍሪካ የልህቀት ማዕከል (Center of Excellence) ሆኖ የተመረጠ ሲሆን፣ ለዚሁ ተግባር የሚሆን ዘመናዊ ህንጻና ቁሳቁስ ተሟልቶለታል። በተጨማሪም ተቋማዊ አሰራሩን ዘመናዊ ለማድረግ የ ISO 9001:2015 እውቅናን ለሁለተኛ ጊዜ በማግኘት በአገር አቀፍ ደረጃ ፈር ቀዳጅ ሆኗል። 

ማጠቃለያ፦

የጀነራል ዊንጌት ፖሊ ቴክኒክ ኮሌጅ ጉዞ "ማርሽ ቀያሪው" ስትራቴጂ እንዴት አንድን ተቋም ወደ ዓለም አቀፍ ተወዳዳሪነት እንደሚያሸጋግር ትልቅ ማሳያ ነው። በአቶ ሰባሁዲን ሁሴን የሚመራው የአስተዳደር ዘርፍም፣ ሀብትን በአግባቡ በመጠቀምና አሰልጣኞችን ወደ "ኢንተርፕርነርነት" በመቀየር፣ ኮሌጁ ራሱን ችሎ እንዲቆም (Self-Sustaining) ጠንካራ መሰረት ጥሏል።

የአስተያየት ክፍል፤ ክህሎት ወይስ ዲግሪ?"

በፒተር ቲል 'Zero to One' እሳቤ መሰረት፣ የወደፊቱ ጊዜ የክህሎት ባለቤቶች ነው። ጀነራል ዊንጌት የታጠቀው ዘመናዊ ቴክኖሎጂ ለወጣቶች ምን ዓይነት የሥራ ዕድል ይፈጥራል ብለው ያስባሉ? በቴክኒክና ሙያ ዘርፍ ሰልጥኖ የራስን ስራ መፍጠር ለሚፈልጉ ወጣቶች ምን ምክር አለዎት? ልምድዎን ያካፍሉን።